Visita de Joan Manuel Gisbert

02/12/2003. Este escritor aficionado ós enigmas, deixounos un par deles para resolver.

Joan Manuel Gisbert (Barcelona, 1949), é un dos máis recoñecidos escritores infantiles e xuveniles que ten recibido moitos premios tanto a nivel nacional (coma o Lazarillo e o Nacional de Literatura) como a nivel internacional. As súas obras foron traducidas a máis de vinte idiomas. A mañá do día vinte de novembro tivemos o honor de recibilo os alumnos de 2º de ESO no salón de actos do colexio, onde deu unha pequena conferencia, xa que na clase de Lingua Española estamos a ler un dos seus libros: “El Último Enigma” .

Nesta charla confeseunos que é un aficionado á enigmística , a ciencia dos enigmas, por iso encántalle escribir libros sobre enigmas, en concreto o que estamos lendo agora trata sobre o famoso “Enigma de Salomón” . Gisbert informounos sobre algunhas historias e lendas sobre o enigma: crese que neste se atópa a resposta a tódalas preguntas fundamentais. A lástima é que a maioría da xente cre que este documento se perdeu hai centos de anos; pero un reducido grupo de persoas cre ter no seu poder a localización dunha das copias do enunciado do enigma… Crese tamén que quen intente resolver este enigma pode entolecer, dada a súa complexidade. Gisbert contounos unha historia que lle aconteceu cando tiña 13 ou 14 anos, enterouse de que cerca da súa cidade había unhas xuntanzas semanais de xente afeccionada á enigmística. Un venres acercouse pero, xusto ese día que non había xuntanza. Conseguiu falar co secretario do grupo, que lle plantexou uns cantos enigmas dos que Gisbert atopou a solución. Este feito fixo que Joan se animara moito, e collera así unha gran afección pola enigmística. Ó finalizar, Gisbert plantexounos dous enigmas. Pensade ben neles e a ver se os resolvedes:

• Unha muller que vive soa está ás dúas da madrugada esperta sen poder durmir, entón se levanta, consulta o listín telefónico, marca un número, e descolga. Unha voz somnolienta respóndelle. Ela, sen dicir nada, sorrí e colga. ¿Por qué o fai? ¿A quén chama?

• Morreu un home moi rico, sen familia. Despois da súa morte, reúnense os seus mellores 11 amigos para descubrir o que pon no testamento do falecido, dez están moi tristes e 1 moi contento, xa que este último era o mellor dos seus amigos, e todos pensan que lle deixara todo. O notario lee: Dispóngome a abrir o sobre que contén o testamento feito o día tal do ano tal… Neste momento, o mellor dos amigos levántase e marcha, e vaise da cidade. ¿Por qué o fai?