Lección Inaugural

27/09/2004. Manual Bragado, Director Xeral de Edicións Xerais de Galicia, foi o encargado de imparti-la lección inaugural do curso 2004-2005, ás que asistiron os alumnos e alumnas de ESO e Bacharelato

A conferencia levaba por título O libro, o pan da cultura: entre o seu pasado e o seu futuro e consitíu nun repaso do libro como obxecto físico e, sobre todo, como ben cultural.

Na primeira parte, o relator fixo un recorrido pola morfolixía do libro coma obxecto físico, describindo as diferentes partes do mesmo. Partindo da cuberta e pasando poas páxinas de cortesía, a portadiña, a portada, a contraportada, a dedicatoria e o corpo do libro, apéndices, bibliografía, índices, sumarioa e colofón.

Referíndose ó corpo do texto, detívose no explicación dos elementos tipográficos principais que se teñen en conta na composición das páxinas. Tamén se detivo nos diferentes elementos da encadernación.

Manuel Bragado adicou un tempo a falar sobre o futuro do libro, citando a tecnoloxía do libro electrónico e as súas posibilidades como substituto do libro de consulta.

Na última parte da conferencia, Manual Bragado centrouse no aspecto do libro como ben cultural, suliñando que os libros "existen en todas as culturas impresas do planeta, e que en todas elas teñen funcións semellantes".

Pero están a sufrir "os efectos perversos da homoxeneización cultural provocada pola globalización", que empobrece os imaxinarios culturais, o cambios de hábitos de lecer, a comercialización "ó peso" e outros síntomas da crise internacional do libro e a cultura, crise que afecta tamén ó libro galego.

A conferencia rematou con estas palabras, que non queremos deixar de citar:

"O libro é un obxecto fermoso, eu diría que marabilloso que nos axuda a vivir mellor. Esta é a experiencia que moitos experimentamos. Gustaría que o tivesedes prsente neste curso que comeza. E a pesar do moito que teredes que traballar, non estaría de máis que deixáredes un oquiño para as boas lecturas que cada un vai procurando. Sei que se o facedes, non vos arrepentiredes."

Manuel Bragado Fernández (nado en 1959) é mestre do Ensino Público en excedencia e licenciado en Ciencias da Educación. Membro de Nova Esola Galega.

Colaborador habitual de Faro de Vigo co súa sección Campo de Granada. Ten publicados numerosos traballos sobre temas educativos en diversos xornais e revistas especializadas.

Director do Departamento Editorial de Edicións Xerais de Galicia dende 1990 e Director Xeral da mesma dende marzo de 1994.